ਦਿੱਲੀ ਯੂਨੀਵਰਸਿਟੀ ਨੇ ਦਿੱਤਾ 'ਗ੍ਰੀਨ ਕੈਂਪਸ-ਕਲੀਨ ਕੈਂਪਸ' ਦਾ ਸੰਦੇਸ਼ <br/>
ਅਜੀਤ ਡੈਸਕ
31-08-2025
ਦਿੱਲੀ ਯੂਨੀਵਰਸਿਟੀ ਦੇ ਐਨ.ਸੀ.ਸੀ. ਕੋਆਰਡੀਨੇਟਰ ਮੇਜਰ ਪ੍ਰੋ. ਸੰਜੇ ਕੁਮਾਰ ਨੇ ਕਿਹਾ ਕਿ ਸਫ਼ਾਈ ਇਕ ਜੀਵਨਸ਼ੈਲੀ ਹੈ | ਸਾਨੂੰ ਸਾਰਿਆਂ ਨੂੰ ਇਸਨੂੰ ਅਪਣਾਉਣਾ ਪਵੇਗਾ | ਦਿੱਲੀ ਯੂਨੀਵਰਸਿਟੀ ਦੇ ਐਨ.ਐਸ.ਐਸ. ਕੋਆਰਡੀਨੇਟਰ ਡਾ. ਨਰਿੰਦਰ ਕੁਮਾਰ ਬਿਸ਼ਨੋਈ ਨੇ ਕਿਹਾ ਕਿ ਇਸ ਮੁਹਿੰਮ ਵਿਚ ਐਨ.ਸੀ.ਸੀ. ਅਤੇ ਐਨ.ਐਸ.ਐਸ. ਵਿਦਿਆਰਥੀਆਂ ਦੀ ਵਿਸ਼ੇਸ਼ ਜ਼ਿੰਮੇਵਾਰੀ ਹੈ | ਮੁੱਖ ਬੁਲਾਰਿਆਂ ਦੇ ਸੰਬੋਧਨ ਤੋਂ ਬਾਅਦ ਆਤਮਾ ਰਾਮ ਸਨਾਤਮ ਧਰਮ ਮਹਾਂਵਿਦਿਆਲਿਆ ਤੋਂ 'ਕਲੀਨ ਕੈਂਪਸ-ਗ੍ਰੀਨ ਕੈਂਪਸ' ਦੇ ਨਾਅਰੇ ਨਾਲ ਇਕ ਰੈਲੀ ਕੱਢੀ ਗਈ | ਉਥੋਂ ਰੈਲੀ ਸ੍ਰੀ ਵੈਂਕਟੇਸ਼ਵਰ ਮਹਾਂਵਿਦਿਆਲਿਆ, ਆਰੀਆ ਭੱਟ ਮਹਾਂਵਿਦਿਆਲਿਆ, ਮੋਤੀ ਲਾਲ ਨਹਿਰੂ ਮਹਾਂਵਿਦਿਆਲਿਆ ਅਤੇ ਰਾਮ ਲਾਲ ਆਨੰਦ ਮਹਾਂਵਿਦਿਆਲਿਆ ਪਹੁੰਚੀ | ਵਿਦਿਆਰਥੀ ਯੂਨੀਅਨ ਚੋਣਾਂ ਦੌਰਾਨ ਕੂੜਾ ਨਾ ਫੈਲੇ, ਇਸਦਾ ਸੰਦੇਸ਼ ਦਿੱਤਾ ਗਿਆ |
ਰੈਲੀ ਦੌਰਾਨ ਦਿੱਲੀ ਯੂਨੀਵਰਸਿਟੀ ਦੇ ਜੁਆਇੰਟ ਪ੍ਰੋਕਟਰ ਪ੍ਰੋ. ਕੋਟੇਸ਼ਵਰ ਰਾਓ ਅਤੇ ਵੱਡੀ ਗਿਣਤੀ ਵਿਚ ਅਧਿਆਪਕ, ਸਟਾਫ਼ ਅਤੇ ਵਿਦਿਆਰਥੀ ਮੌਜੂਦ ਸਨ | ਭਾਰੀ ਮੀਂਹ ਦੇ ਬਾਵਜੂਦ ਰੈਲੀ ਵਿਚ ਹਿੱਸਾ ਲੈਣ ਵਾਲੇ ਵਿਦਿਆਰਥੀਆਂ ਦਾ ਉਤਸ਼ਾਹ ਦੇਖਣਯੋਗ ਸੀ |