ਬਨੇਰਿਆਂ ਉਤੇ ਜਗਦੇ ਦੀਵੇ ।
ਕਿੰਨੇ ਸੋਹਣੇ ਲੱਗਦੇ ਦੀਵੇ ।
ਹਰ ਸਾਲ ਜਦੋਂ ਆਏ ਦੀਵਾਲੀ ।
ਦੀਵਿਆਂ ਦੀ ਮੰਗ ਹੁੰਦੀ ਬਾਹਲੀ।
ਕਾਲੀ ਮਿੱਟੀ ਤੋਂ ਹੁੰਦੇ ਤਿਆਰ ।
ਘਰ-ਘਰ ਦਾ ਇਹ ਬਨਣ ਸ਼ਿੰਗਾਰ ।
ਗਲੀ ਮੁਹੱਲੇ ਵਿਕਣੇ ਆਵਣ ।
ਲੋਕੀਂ ਚਾਈਂ-ਚਾਈਂ ਲਿਜਾਵਣ ।
ਸਰੋਂ੍ਹ ਦਾ ਤੇਲ ਦੀਵੇ ਵਿਚ ਪਾਈਏ।
ਵੱਟਕੇ ਬੱਤੀ ਵਿਚ ਟਿਕਾਈਏ ।
ਵਿਦੇਸ਼ੀ ਲੜੀਆਂ ਤੋਂ ਇਹ ਚੰਗੇ ।
ਖ਼ੂਬ ਸ਼ਿੰਗਾਰੇ ਰੰਗ-ਬਿਰੰਗੇ ।
ਆਓ, ਮਿਹਨਤ ਦਾ ਮੁੱਲ ਪਾਈਏ।
ਮਿੱਟੀ ਦੇ ਸਭ ਦੀਪ ਜਗਾਈਏ ।
-ਮਨਜੀਤ ਸਿੰਘ ਘੜੈਲੀ
ਪਿੰਡ : ਘੜੈਲੀ (ਬਠਿੰਡਾ)
ਮੋਬਾਈਲ : 79860-63165
