ਬੈਂਕ ਦੇ ਸਫ਼ਾਈ ਸੇਵਕ ਨੇ ਸਟਰਾਂਗ ਰੂਮ ’ਚੋਂ 4 ਲੱਖ 56 ਹਜ਼ਾਰ 800 ਰੁਪਏ ਉਡਾਏ

ਬਠਿੰਡਾ, 21 ਜੁਲਾਈ (ਵੀਰਪਾਲ ਸਿੰਘ)-ਬੈਂਕ ਵਿਚ ਸਫ਼ਾਈ ਸੇਵਕ ਤੌਰ ’ਤੇ ਕੰਮ ਕਰ ਰਹੇ ਵਿਅਕਤੀ ਵਲੋਂ ਬੈਂਕ ਦੇ ਸਟਰਾਂਗ ਰੂਮ ਵਿਚੋਂ ਲੱਖਾਂ ਰੁਪਏ ਚੋਰੀ ਕੀਤੇ ਜਾਣ ਦੀ ਖ਼ਬਰ ਹੈ। ਇਸ ਮਾਮਲੇ ਦੀ ਜਾਂਚ ਕਰ ਰਹੇ ਪੁਲਿਸ ਅਧਿਕਾਰੀ ਸਹਾਇਕ ਥਾਣੇਦਾਰ ਜਸਵਿੰਦਰ ਸਿੰਘ ਵਲੋਂ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਨਿੱਧੀ ਮਿੱਤਲ ਬ੍ਰਾਂਚ ਮੈਨੇਜਰ ਐਸ ਬੀ ਆਈ ਬੈਂਕ ਪ੍ਰਤਾਪ ਨਗਰ ਬਠਿੰਡਾ ਵਲੋਂ ਥਾਣਾ ਕੈਨਾਲ ਵਿਖੇ ਦਰਜ ਕਰਵਾਈ ਗਈ ਸ਼ਿਕਾਇਤ ਵਿਚ ਦੱਸਿਆ ਕਿ ਸੁਖਮੀਤ ਕੁਮਾਰ ਵਾਸੀ ਪ੍ਰਤਾਪ ਨਗਰ ਬਠਿੰਡਾ ਬੈਂਕ ਵਿਚ ਸਫ਼ਾਈ ਸੇਵਕ ਦੇ ਤੌਰ ’ਤੇ ਕੰਮ ਕਰ ਰਿਹਾ ਸੀ। ਉਕਤ ਵਿਅਕਤੀ ਵਲੋਂ ਕੈਸ਼ ਅਫ਼ਸਰ ਦੇ ਰੂਮ ਵਿਚੋਂ ਸਟਰਾਂਗ ਰੂਮ ਦੀਆਂ ਚਾਬੀਆਂ ਚੁੱਕ ਕੇ ਸਟਰਾਂਗ ਰੂਮ ਵਿਚੋਂ 4 ਲੱਖ 56 ਹਜ਼ਾਰ 800 ਰੁਪਏ ਚੋਰੀ ਕਰਕੇ ਲੈ ਗਿਆ। ਪੁਲਿਸ ਵਲੋਂ ਸ਼ਿਕਾਇਤ ਕਰਤਾ ਦੇ ਬਿਆਨਾਂ ਦੇ ਆਧਾਰ ’ਤੇ ਥਾਣਾ ਕੈਨਾਲ ਵਿਖੇ ਮੁਕੱਦਮਾ ਦਰਜ ਕਰ ਲਿਆ ਗਿਆ ਹੈ। ਜਿਸ ਦੀ ਗ੍ਰਿਫ਼ਤਾਰੀ ਅਜੇ ਬਾਕੀ ਹੈ।