ਵਿਸ਼ਵਵਿਆਪੀ ਐਫਡੀਆਈ ਮੰਦੀ ਦੇ ਬਾਵਜੂਦ, ਭਾਰਤ ਦਾ ਕੁੱਲ ਨਿਵੇਸ਼ ਵਿੱਤੀ ਸਾਲ-26 ਵਿਚ ਰਿਹਾ ਵਧੀਆ - ਕੇਅਰਐਜ ਰੇਟਿੰਗਜ਼

ਨਵੀਂ ਦਿੱਲੀ, 24 ਦਸੰਬਰ - ਕੇਅਰਐਜ ਰੇਟਿੰਗਜ਼ ਦੀ ਇਕ ਰਿਪੋਰਟ ਦੇ ਅਨੁਸਾਰ ਭਾਵੇਂ ਕਿ ਪਿਛਲੇ ਸਾਲਾਂ ਦੌਰਾਨ ਵਿਸ਼ਵਵਿਆਪੀ ਸਿੱਧੇ ਵਿਦੇਸ਼ੀ ਨਿਵੇਸ਼ (ਐਫਡੀਆਈ) ਦੀ ਗਤੀ ਘੱਟ ਰਹੀ ਹੈ, ਭਾਰਤ ਦਾ ਕੁੱਲ ਐਫਡੀਆਈ ਪ੍ਰਵਾਹ ਸਥਿਰ ਰਿਹਾ ਹੈ, ਜਿਸ ਨੂੰ ਸਥਿਰ ਨਿਵੇਸ਼ ਦਿਲਚਸਪੀ ਦਾ ਸਮਰਥਨ ਪ੍ਰਾਪਤ ਹੈ, ।
ਰਿਪੋਰਟ ਵਿਚ ਇਹ ਉਜਾਗਰ ਕੀਤਾ ਗਿਆ ਹੈ ਕਿ ਪਿਛਲੇ ਦਹਾਕੇ ਦੌਰਾਨ ਭਾਰਤ ਵਿਚ ਕੁੱਲ ਐਫਡੀਆਈ ਪ੍ਰਵਾਹ ਵਧੀਆ ਪੱਧਰ 'ਤੇ ਰਿਹਾ ਹੈ। ਕੁੱਲ ਪ੍ਰਵਾਹ ਵਿੱਤੀ ਸਾਲ-16 ਵਿਚ ਅਮਰੀਕਨ ਡਾਲਰ 55.6 ਬਿਲੀਅਨ ਸੀ ਅਤੇ ਹੌਲੀ-ਹੌਲੀ ਵਿੱਤੀ ਸਾਲ-17 ਵਿਚ ਅਮਰੀਕਨ ਡਾਲਰ 60.2 ਬਿਲੀਅਨ, ਵਿੱਤੀ ਸਾਲ-18 ਵਿਚ ਅਮਰੀਕਨ ਡਾਲਰ 61 ਬਿਲੀਅਨ ਅਤੇ ਵਿੱਤੀ ਸਾਲ-19 ਵਿਚ ਅਮਰੀਕ ਡਾਲਰ 62 ਬਿਲੀਅਨ ਹੋ ਗਿਆ। ਪ੍ਰਵਾਹ ਵਿੱਤੀ ਸਾਲ-20 ਵਿਚ ਅਮਰੀਕ ਡਾਲਰ 74.4 ਬਿਲੀਅਨ, ਵਿੱਤੀ ਸਾਲ-21 ਵਿਚ ਅਮਰੀਕ ਡਾਲਰ 82 ਬਿਲੀਅਨ ਅਤੇ ਵਿੱਤੀ ਸਾਲ-22 ਵਿੱਚ ਅਮਰੀਕ ਡਾਲਰ 84.8 ਬਿਲੀਅਨ 'ਤੇ ਹੋਰ ਮਜ਼ਬੂਤ ​​ਹੋਇਆ।

ਜਦੋਂ ਕਿ ਇਸ ਤੋਂ ਬਾਅਦ ਪ੍ਰਵਾਹ ਮੱਧਮ ਰਿਹਾ, ਪਰ ਉਹ ਵਿੱਤੀ ਸਾਲ-23 ਵਿਚ ਅਮਰੀਕ ਡਾਲਰ 71.4 ਬਿਲੀਅਨ, ਵਿੱਤੀ ਸਾਲ-24 ਵਿਚ ਅਮਰੀਕਨ ਡਾਲਰ 71.3 ਬਿਲੀਅਨ ਅਤੇ ਵਿੱਤੀ ਸਾਲ-25 ਵਿਚ ਅਮਰੀਕ ਡਾਲਰ 80.6 ਬਿਲੀਅਨ 'ਤੇ ਮਜ਼ਬੂਤ ​​ਰਿਹਾ। ਵਿੱਤੀ ਸਾਲ-26 ਲਈ, ਸਤੰਬਰ 2025 ਤੱਕ ਕੁੱਲ ਐਫਡੀਆਈ ਪ੍ਰਵਾਹ 50.4 ਬਿਲੀਅਨ ਅਮਰੀਕੀ ਡਾਲਰ ਦਰਜ ਕੀਤਾ ਗਿਆ ਹੈ।