ਅਸੀਂ ਐਨ.ਸੀ.ਪੀ. ਦੇ ਫ਼ੈਸਲੇ ਨਾਲ ਖੜ੍ਹੇ ਹੋਵਾਂਗੇ- ਫੜਨਵੀਸ

ਨਾਗਪੁਰ (ਮਹਾਰਾਸ਼ਟਰ), 30 ਜਨਵਰੀ (ਏਐਨਆਈ): ਮਹਾਰਾਸ਼ਟਰ ਦੇ ਮੁੱਖ ਮੰਤਰੀ ਦੇਵੇਂਦਰ ਫੜਨਵੀਸ ਨੇ ਕਿਹਾ ਕਿ ਮਹਾਂਯੁਤੀ ਗੱਠਜੋੜ ਅਜੀਤ ਪਵਾਰ ਦੇ ਦਿਹਾਂਤ ਤੋਂ ਬਾਅਦ ਖਾਲੀ ਉਪ ਮੁੱਖ ਮੰਤਰੀ ਅਹੁਦੇ 'ਤੇ ਰਾਸ਼ਟਰਵਾਦੀ ਕਾਂਗਰਸ ਪਾਰਟੀ ਦੇ ਫ਼ੈਸਲੇ ਦਾ ਸਮਰਥਨ ਕਰੇਗਾ। ਐਨ.ਸੀ.ਪੀ. ਜੋ ਵੀ ਫ਼ੈਸਲਾ ਲਵੇਗੀ ਅਸੀਂ ਉਸ ਨਾਲ ਖੜ੍ਹੇ ਰਹਾਂਗੇ। ਅਸੀਂ ਅਜੀਤ ਪਵਾਰ ਅਤੇ ਐਨ.ਸੀ.ਪੀ. ਦੇ ਪਰਿਵਾਰ ਨਾਲ ਖੜ੍ਹੇ ਹਾਂ । ਇਸ ਤੋਂ ਪਹਿਲਾਂ, ਐਨ.ਸੀ.ਪੀ. ਆਗੂਆਂ ਨੇ ਖਾਲੀ ਉਪ ਮੁੱਖ ਮੰਤਰੀ ਅਹੁਦੇ 'ਤੇ ਚਰਚਾ ਕਰਨ ਲਈ ਮੁੱਖ ਮੰਤਰੀ ਦੇਵੇਂਦਰ ਫੜਨਵੀਸ ਨਾਲ ਮੁਲਾਕਾਤ ਕੀਤੀ।
ਮਹਾਰਾਸ਼ਟਰ ਦੇ ਮੰਤਰੀ ਅਤੇ ਸੀਨੀਅਰ ਐਨ.ਸੀ.ਪੀ. ਨੇਤਾ ਛਗਨ ਭੁਜਬਲ ਨੇ ਇੱਥੇ ਕਿਹਾ ਅਸੀਂ ਮੁੱਖ ਮੰਤਰੀ ਨੂੰ ਮਿਲਣ ਗਏ ਸੀ।

ਪ੍ਰਫੁੱਲ ਭਾਈ (ਪ੍ਰਫੁੱਲ ਪਟੇਲ), ਤਟਕਰੇ (ਸੁਨੀਲ ਤਟਕਰੇ) ਮੈਂ, ਅਤੇ ਮੁੰਡੇ (ਧਨੰਜਯ ਮੁੰਡੇ)। ਅਸੀਂ ਕੱਲ੍ਹ ਰਾਤ ਉਨ੍ਹਾਂ (ਫੜਨਵੀਸ) ਨੂੰ ਵੀ ਮਿਲੇ ਸੀ। ਅਸੀਂ ਪੁੱਛਿਆ ਕਿ ਕੀ ਕੱਲ੍ਹ ਨੂੰ ਸਹੁੰ ਚੁੱਕ ਸਮਾਗਮ ਤੋਂ ਲੈ ਕੇ ਬਾਕੀ ਸਭ ਕੁਝ ਕੀਤਾ ਜਾ ਸਕਦਾ ਹੈ। ਮੁੱਖ ਮੰਤਰੀ ਨੇ ਕਿਹਾ ਕਿ ਉਨ੍ਹਾਂ ਨੂੰ ਇਸ ਨਾਲ ਕੋਈ ਸਮੱਸਿਆ ਨਹੀਂ ਹੈ । ਭੁਜਬਲ ਨੇ ਇਹ ਵੀ ਖ਼ੁਲਾਸਾ ਕੀਤਾ ਕਿ ਪਾਰਟੀ ਨੇ ਸਵਰਗੀ ਅਜੀਤ ਪਵਾਰ ਦੀ ਪਤਨੀ ਸੁਨੇਤਰਾ ਪਵਾਰ ਨੂੰ ਵਿਧਾਇਕ ਦਲ ਦਾ ਨੇਤਾ ਚੁਣਨ ਦਾ ਫ਼ੈਸਲਾ ਕੀਤਾ ਹੈ। ਸਾਡੇ ਵਿਚਕਾਰ ਇਹ ਫ਼ੈਸਲਾ ਹੋਇਆ ਸੀ ਕਿ ਅਸੀਂ ਸੁਨੇਤਰਾ ਪਵਾਰ ਦਾ ਨਾਂਅ ਵਿਧਾਇਕ ਦਲ ਦਾ ਨੇਤਾ ਦੇਵਾਂਗੇ ।