ਮੈਨੂੰ ਸੰਸਦ ਵਿਚ ਬੋਲਣ ਹੀ ਨਹੀਂ ਦਿੱਤਾ ਜਾ ਰਿਹੈ- ਰਾਹੁਲ ਗਾਂਧੀ

ਨਵੀਂ ਦਿੱਲੀ, 2 ਫਰਵਰੀ: ਲੋਕ ਸਭਾ ’ਚ ਵਿਰੋਧੀ ਧਿਰ ਦੇ ਨੇਤਾ ਅਤੇ ਕਾਂਗਰਸ ਦੇ ਸੰਸਦ ਮੈਂਬਰ ਰਾਹੁਲ ਗਾਂਧੀ ਨੇ ਕਿਹਾ ਕਿ, "ਮੈਂ ਇਹ ਨਹੀਂ ਕਹਿ ਰਿਹਾ; ਸਾਬਕਾ ਫੌਜ ਮੁਖੀ ਨੇ ਇਹ ਇਕ ਕਿਤਾਬ ’ਚ ਲਿਖਿਆ ਸੀ। ਉਸ ਕਿਤਾਬ ਨੂੰ ਪ੍ਰਕਾਸ਼ਿਤ ਹੋਣ ਤੋਂ ਰੋਕਿਆ ਜਾ ਰਿਹਾ ਹੈ... ਅਤੇ ਇਹ ਫੌਜ ਮੁਖੀ ਦਾ ਦ੍ਰਿਸ਼ਟੀਕੋਣ ਹੈ।

ਉਹ ਫੌਜ ਮੁਖੀ ਦੇ ਦ੍ਰਿਸ਼ਟੀਕੋਣ ਤੋਂ ਇੰਨੇ ਡਰਦੇ ਕਿਉਂ ਹਨ? ਉਹ ਫੌਜ ਮੁਖੀ ਦੇ ਕਹਿਣ ਤੋਂ ਇੰਨੇ ਡਰਦੇ ਕਿਉਂ ਹਨ? ਅਸੀਂ ਇਸ ਤੋਂ ਕੁਝ ਸਿੱਖਾਂਗੇ। ਬੇਸ਼ੱਕ, ਅਸੀਂ ਇਕ ਪ੍ਰਧਾਨ ਮੰਤਰੀ ਬਾਰੇ ਕੁਝ ਸਿੱਖਾਂਗੇ। ਅਸੀਂ ਰਾਜਨਾਥ ਸਿੰਘ ਬਾਰੇ ਕੁਝ ਸਿੱਖਾਂਗੇ। ਪਰ ਅਸੀਂ ਫੌਜ ਬਾਰੇ ਵੀ ਕੁਝ ਸਿੱਖਾਂਗੇ ਅਤੇ ਦੇਸ਼ ਦੀ ਰਾਜਨੀਤਿਕ ਲੀਡਰਸ਼ਿਪ ਨੇ ਫੌਜ ਨੂੰ ਕਿਵੇਂ ਨਿਰਾਸ਼ ਕੀਤਾ ਹੈ। ਮੈਂ ਕਹਿ ਰਿਹਾ ਹਾਂ ਕਿ ਨਰਵਣੇ ਨੇ ਆਪਣੀ ਕਿਤਾਬ ’ਚ ਪ੍ਰਧਾਨ ਮੰਤਰੀ ਅਤੇ ਰਾਜਨਾਥ ਸਿੰਘ ਬਾਰੇ ਸਪੱਸ਼ਟ ਤੌਰ 'ਤੇ ਲਿਖਿਆ ਹੈ। ਇਹ ਇਕ ਲੇਖ ’ਚ ਪ੍ਰਕਾਸ਼ਿਤ ਹੋਇਆ ਹੈ। ਮੈਂ ਉਸ ਲੇਖ ਦਾ ਹਵਾਲਾ ਦੇ ਰਿਹਾ ਹਾਂ। ਉਹ ਮੈਨੂੰ ਬੋਲਣ ਨਹੀਂ ਦੇ ਰਹੇ... ਉਹ ਡਰਦੇ ਹਨ ਕਿਉਂਕਿ ਜੇਕਰ ਇਹ ਸਾਹਮਣੇ ਆ ਜਾਂਦਾ ਹੈ, ਤਾਂ ਨਰਿੰਦਰ ਮੋਦੀ ਅਤੇ ਰਾਜਨਾਥ ਸਿੰਘ ਬਾਰੇ ਸੱਚਾਈ ਲੋਕਾਂ ਸਾਹਮਣੇ ਆ ਜਾਵੇਗੀ ਅਤੇ 56 ਇੰਚ ਦੀ ਛਾਤੀ ਦਾ ਕੀ ਹੋਇਆ ਜਦੋਂ ਚੀਨ ਸਾਡੇ ਸਾਹਮਣੇ ਖੜ੍ਹਾ ਸੀ, ਅੱਗੇ ਵਧ ਰਿਹਾ ਸੀ?"