ਧਰਮਿੰਦਰ ਸਿੰਘ ਧੰਨਾ ਨਗਰ ਕੌਂਸਲ ਧਨੌਲਾ ਦੇ ਪ੍ਰਧਾਨ ਅਤੇ ਰੋਮਾਂ ਦੀਕਸ਼ਿਤ ਵਾਈਸ ਪ੍ਰਧਾਨ ਬਣੇ

ਧਨੌਲਾ, 3 ਜੁਲਾਈ (ਜਤਿੰਦਰ ਸਿੰਘ ਧਨੌਲਾ)- ਲੰਬੀ ਜਦੋ ਜਹਿਦ ਤੋਂ ਬਾਅਦ ਵਾਰਡ ਨੰਬਰ 12 ਦੇ ਐਮ. ਸੀ. ਧਰਮਿੰਦਰ ਸਿੰਘ ਧੰਨਾ ਨੂੰ ਨਗਰ ਕੌਂਸਲ ਧਨੌਲਾ ਦਾ ਪ੍ਰਧਾਨ ਚੁਣ ਲਿਆ ਗਿਆ। ਵਾਰਡ ਨੰਬਰ ਪੰਜ ਦੀ ਐਮ. ਸੀ. ਹਰਵਿੰਦਰ ਕੌਰ ਫਤਿਹ ਨੇ ਧੰਨਾ ਸਿੰਘ ਦੇ ਨਾਂ ਦੀ ਪੇਸ਼ਕਸ਼ ਕੀਤੀ ਜਿਸ ਨੂੰ ਜਸਪ੍ਰੀਤ ਕੌਰ ਵਲੋਂ ਤਾਇਦ ਕਰ ਦਿੱਤਾ ਗਿਆ। ਧੰਨਾ ਸਿੰਘ ਦੇ ਹੱਕ ਵਿਚ ਵਾਰਡ ਨੰਬਰ ਦੋ ਦੇ ਐਮ. ਸੀ. ਬਿਕਰਮਜੀਤ ਸਿੰਘ, ਵਾਰਡ ਨੰਬਰ ਪੰਜ ਦੀ ਐਮ. ਸੀ. ਹਰਵਿੰਦਰ ਕੌਰ, ਵਾਰਡ ਨੰਬਰ ਸੱਤ ਦੀ ਜਸਵੀਰ ਕੌਰ, ਵਾਰਡ ਨੰਬਰ ਅੱਠ ਦੇ ਸੁਰਜੀਤ ਸਿੰਘ, ਵਾਰਡ ਨੰਬਰ ਨੌ ਦੀ ਰੋਮਾ ਦੀਕਸ਼ਿਤ, ਵਾਰਡ ਨੰਬਰ 10 ਦੀ ਕੁਲਦੀਪ ਕੌਰ, ਅਤੇ ਵਾਰਡ ਨੰਬਰ 13 ਦੀ ਜਸਪ੍ਰੀਤ ਕੌਰ ਵਲੋਂ ਹੱਥ ਖੜੇ ਕਰਕੇ ਸਮਰਥਨ ਦਿੱਤਾ ਗਿਆ।

ਜਦਕਿ ਵਾਰਡ ਨੰਬਰ ਛੇ ਦੇ ਐਮ. ਸੀ. ਮਨੀਸ਼ ਕੁਮਾਰ ਵਲੋਂ ਵਾਰਡ ਨੰਬਰ 11 ਦੇ ਐਮ. ਸੀ. ਬੂਟਾ ਸਿੰਘ ਦਾ ਨਾਂ ਤਜਵੀਜ ਕੀਤਾ ਗਿਆ। ਜਿਸ ਲਈ ਵਾਰਡ ਨੰਬਰ ਇੱਕ ਦੀ ਐਮ. ਸੀ. ਰਣਜੀਤ ਕੌਰ ਵਾਰਡ ਨੰਬਰ ਤਿੰਨ ਦੇ ਐਮ. ਸੀ. ਬਿੱਲੂ ਖਾਨ ਵਾਰਡ ਨੰਬਰ ਚਾਰ ਦੇ ਐਮ. ਸੀ. ਸਾਹਿਬ ਸੋਢੀ ਵਲੋਂ ਹੱਥ ਖੜੇ ਕਰਕੇ ਪ੍ਰਵਾਨਗੀ ਦਿੱਤੀ ਗਈ। ਅੱਠ ਕੌਂਸਲਾਂ ਦੀ ਵੋਟ ਹਾਸਲ ਹੋਣ ਕਰਕੇ ਧਰਮਿੰਦਰ ਸਿੰਘ ਧੰਨਾ ਨਗਰ ਕੌਂਸਲ ਧਨੌਲਾ ਦੇ ਪ੍ਰਧਾਨ ਚੁਣੇ ਗਏ ਜਦਕਿ ਵਾਰਡ ਨੰਬਰ ਨੌ ਦੀ ਰੋਮਾ ਦੀਕਸ਼ਿਤ ਨੂੰ ਵਾਈਸ ਪ੍ਰਧਾਨ ਨਿਯੁਕਤ ਕਰ ਦਿੱਤਾ ਗਿਆ।

ਜ਼ਿਕਰਯੋਗ ਹੈ ਕਿ ਨਗਰ ਕੌਂਸਲ ਦੇ ਨਤੀਜੇ ਆਉਣ ਤੋਂ ਬਾਅਦ ਇਕ ਇਕ ਐਮ. ਸੀ. ਵਲੋਂ ਆਪੋ ਆਪਣੀ ਪ੍ਰਧਾਨਗੀ ਪ੍ਰਾਪਤੀ ਲਈ ਦੌੜ ਜਾਰੀ ਸੀ। ਅੱਜ ਐਸ. ਡੀ. ਐਮ. ਅਜੀਤ ਪਾਲ ਸਿੰਘ ਚਹਿਲ, ਡੀ ਐਸ ਪੀ ਸਤਬੀਰ ਸਿੰਘ ਬੈਂਸ, ਈ ਓ ਰਜਨੀਸ਼ ਕੁਮਾਰ, ਡੀ ਐਸ ਪੀ ਸਤਬੀਰ ਸਿੰਘ, ਨਗਰ ਕੌਂਸਲ ਬਰਨਾਲਾ ਦੇ ਮੇਅਰ ਹਸਨਪ੍ਰੀਤ ਭਾਰਦਵਾਜ਼ ਅਤੇ ਐਸ.ਐਚ. ਓ. ਲਖਬੀਰ ਸਿੰਘ ਦੀ ਹਾਜ਼ਰੀ ਵਿੱਚ ਕੌਂਸਲਰਾਂ ਵਲੋਂ ਉਕਤ ਨਿਰਣੇ ਲਏ ਗਏ। ਪੁਲਿਸ ਵਲੋਂ ਸਖ਼ਤ ਸੁਰੱਖਿਆ ਪ੍ਰਬੰਧ ਕੀਤੇ ਗਏ।