ਇਥੋਪੀਆ ਦੇ ਜਵਾਲਾਮੁਖੀ ਤੋਂ ਸੁਆਹ ਦੇ ਬੱਦਲ ਦੇ ਰਾਤ 10 ਵਜੇ ਤੱਕ ਉੱਤਰੀ ਭਾਰਤ ਪਹੁੰਚਣ ਦੀ ਉਮੀਦ

ਨਵੀਂ ਦਿੱਲੀ, 24 ਨਵੰਬਰ - ਇੰਡੀਆਮੇਟਸਕਾਈ ਵੈਦਰ ਦੇ ਅਨੁਸਾਰ, ਇਥੋਪੀਆ ਦੇ ਹੇਲੀ ਗੁੱਬੀ ਜਵਾਲਾਮੁਖੀ ਤੋਂ ਸੁਆਹ ਦਾ ਇਕ ਬੱਦਲ ਅੱਜ ਸ਼ਾਮ ਨੂੰ ਪੱਛਮੀ ਭਾਰਤ ਦੇ ਕੁਝ ਹਿੱਸਿਆਂ ਵਿਚ ਦਾਖ਼ਲ ਹੋਣ ਅਤੇ ਕਈ ਉੱਤਰੀ ਰਾਜਾਂ ਵਿਚ ਜਾਣ ਦੀ ਉਮੀਦ ਹੈ।ਮੌਸਮ ਵਿਗਿਆਨ ਸੇਵਾ ਨੇ ਕਿਹਾ, "ਸੁਆਹ ਦਾ ਬੱਦਲ ਗੁਜਰਾਤ (ਪੱਛਮੀ ਪਾਸੇ) ਵਿਚ ਦਾਖ਼ਲ ਹੋਣ ਵਾਲਾ ਹੈ ਅਤੇ ਰਾਤ 10 ਵਜੇ ਤੱਕ ਰਾਜਸਥਾਨ, ਉੱਤਰ-ਪੱਛਮੀ ਮਹਾਰਾਸ਼ਟਰ, ਦਿੱਲੀ, ਹਰਿਆਣਾ ਅਤੇ ਪੰਜਾਬ ਵੱਲ ਵਧਣ ਵਾਲਾ ਹੈ, ਅਤੇ ਬਾਅਦ ਵਿਚ ਇਹ ਹਿਮਾਲਿਆ ਅਤੇ ਹੋਰ ਖੇਤਰਾਂ ਨੂੰ ਪ੍ਰਭਾਵਤ ਕਰੇਗਾ।"
ਜੁਆਲਾਮੁਖੀ ਦੇ ਫਟਣ ਦੌਰਾਨ ਵਾਯੂਮੰਡਲ ਵਿਚ ਭੇਜੀ ਗਈ ਸੁਆਹ ਦਾ ਗੁਬਾਰ 100-120 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਉੱਤਰੀ ਭਾਰਤ ਵੱਲ ਵਧ ਰਿਹਾ ਹੈ। ਇਹ 15,000-25,000 ਫੁੱਟ ਦੀ ਉਚਾਈ 'ਤੇ 45,000 ਫੁੱਟ ਤੱਕ ਯਾਤਰਾ ਕਰ ਰਿਹਾ ਹੈ ਅਤੇ ਇਸ ਵਿਚ ਜਵਾਲਾਮੁਖੀ ਸੁਆਹ, ਸਲਫਰ ਡਾਈਆਕਸਾਈਡ, ਅਤੇ ਕੱਚ ਅਤੇ ਚੱਟਾਨ ਦੇ ਛੋਟੇ ਕਣ ਹਨ।ਇੰਡੀਆਮੇਟਸਕਾਈ ਵੈਦਰ ਨੇ ਚਿਤਾਵਨੀ ਦਿੱਤੀ ਹੈ ਕਿ ਸੁਆਹ ਅਸਮਾਨ ਨੂੰ ਆਮ ਨਾਲੋਂ ਜ਼ਿਆਦਾ ਗੂੜ੍ਹਾ ਅਤੇ ਧੁੰਦਲਾ ਬਣਾ ਸਕਦੀ ਹੈ ਅਤੇ ਹਵਾਈ ਆਵਾਜਾਈ ਵਿਚ ਵਿਘਨ ਪਾ ਸਕਦੀ ਹੈ, ਜਿਸ ਨਾਲ ਦੇਰੀ ਅਤੇ ਯਾਤਰਾ ਦਾ ਸਮਾਂ ਵਧ ਸਕਦਾ ਹੈ।