ਮੰਤਰੀ ਲਾਲ ਚੰਦ ਕਟਾਰੂਚੱਕ ਵਲੋਂ ਛੱਤਬੀੜ ਚਿੜੀਆਘਰ 'ਚ ਬਾਘ ਦੇ ਬੱਚਿਆਂ ਦਾ ਨਾਮਕਰਨ
ਜ਼ੀਰਕਪੁਰ, 19 ਫਰਵਰੀ ( ਹੈਪੀ ਪੰਡਵਾਲਾ )- ਅੱਜ ਛੱਤ ਬੀੜ ਚਿੜੀਆ ਘਰ ਵਿਖੇ ਵਣ ਅਤੇ ਜੰਗਲੀ ਜੀਵ ਸੁਰੱਖਿਆ ਵਿਭਾਗ ਮੰਤਰੀ ਲਾਲ ਚੰਦ ਕਟਾਰੂਚੱਕ ਵਲੋਂ ਬਾਘ ਦੇ ਨਵਜੰਮੇ ਬੱਚਿਆਂ ਦਾ ਨਾਮਕਰਨ ਕੀਤਾ ਗਿਆ, ਜਿਨ੍ਹਾਂ ਨੂੰ ਕ੍ਰਮਵਾਰ ਗਰਿਮਾ, ਗੁੰਜਨ ਤੇ ਗ਼ਜ਼ਲ ਨਾਂਅ ਦਿੱਤੇ ਗਏ। ਇਹ ਸਮਾਰੋਹ ਮੁੱਖ ਜੰਗਲੀ ਜੀਵ ਵਾਰਡਨ ਪੰਜਾਬ ਬਸੰਤ ਰਾਜ ਕੁਮਾਰ ਦੀ ਅਗਵਾਈ ਹੇਠ ਕਰਵਾਇਆ ਗਿਆ। ਜਾਣਕਾਰੀ ਮੁਤਾਬਿਕ ਚਿੜੀਆਘਰ ਛੱਤਬੀੜ ਦੀ ਸਫੈਦ ਮਾਦਾ ਬਾਘ ਗੌਰੀ ਵਲੋਂ ਲੰਘੇ ਵਰ੍ਹੇ 5 ਨਵੰਬਰ ਨੂੰ 3 ਬੱਚਿਆਂ ਨੂੰ ਜਨਮ ਦਿੱਤਾ ਗਿਆ ਸੀ। ਗੌਰੀ ਨੂੰ 2019 'ਚ ਰਾਜਕੋਟ ਚਿੜੀਆਘਰ ਤੋਂ ਛੱਤਬੀੜ ਚਿੜੀਆਘਰ ਲਿਆਂਦਾ ਸੀ।ਜਦਕਿ ਬੱਚਿਆਂ ਦਾ ਪਿਤਾ ਬੰਗਾਲ ਟਾਈਗਰ ਅਰਜੁਨ 2019 'ਚ ਛੱਤਬੀੜ ਚਿੜੀਆਘਰ ਵਿਚ ਹੀ ਜਨਮਿਆ ਸੀ। ਅਰਜੁਨ ਅਤੇ ਗੌਰੀ ਦੀ ਜੋੜੀ ਛੱਤਬੀੜ ਚਿੜੀਆਘਰ ਦੀ ਮਨਮੋਹਕ ਬਾਘ ਜੋੜੀ ਹੈ। ਚਿੜੀਆਘਰ ਦੇ ਨਿਯਮਾਂ ਮੁਤਾਬਕ ਬਾਘ ਦੇ ਬੱਚਿਆਂ ਨੂੰ ਨਾਂਅ ਵਿਗਿਆਨਕ ਰਿਕਾਰਡ ਸੰਭਾਲਣ ਲਈ ਦਿੱਤੇ ਜਾਂਦੇ ਹਨ। ਜੇ ਬੱਚਾ ਨਰ ਹੋਵੇ ਤਾਂ ਉਸ ਦਾ ਨਾਂਅ ਪਿਤਾ ਦੇ ਨਾਂਅ ਦੇ ਪਹਿਲੇ ਅੱਖਰ ਤੋਂ ਅਤੇ ਜੇ ਬੱਚਾ ਮਾਦਾ ਹੋਵੇ ਤਾਂ ਮਾਂ ਦੇ ਨਾਂਅ ਦੇ ਪਹਿਲੇ ਅੱਖਰ ਤੋਂ ਰੱਖਿਆ ਜਾਂਦਾ ਹੈ। ਇਹ ਤਿੰਨੇ ਬੱਚੇ ਮਾਦਾ ਹਨ। ਇਸ ਲਈ ਇਨ੍ਹਾਂ ਤਿੰਨਾਂ ਬੱਚਿਆਂ ਦੇ ਨਾਂਅ ਮਾਂ ਗੌਰੀ ਦੇ ਨਾਂਅ ਦੇ ਪਹਿਲੇ ਅੱਖਰ 'ਜੀ' ਨਾਲ ਸ਼ੁਰੂ ਹੋਣਗੇ।
;
;
;
;
;
;
;
;
;
;
;
;
;
;
;
;
;
;
;
;
;
;
;
;
;
;
