ਇਸ ਸਾਲ ਦਿੱਲੀ ਚ 15 ਲੱਖ ਰੁੱਖ ਲਗਾਉਣੇ ਹਨ - ਮੁੱਖ ਮੰਤਰੀ ਰੇਖਾ ਗੁਪਤਾ

ਨਵੀਂ ਦਿੱਲੀ, 5 ਜੂਨ ਦਿੱਲੀ ਦੀ ਮੁੱਖ ਮੰਤਰੀ ਰੇਖਾ ਗੁਪਤਾ ਨੇ ਕਿਹਾ, "ਮੈਂ ਦਿੱਲੀ ਵਿਚ 100 ਆਕਸੀਜਨ ਪਾਰਕ ਬਣਾਉਣ ਬਾਰੇ ਗੱਲ ਕੀਤੀ ਸੀ। ਅੱਜ 18 ਨਮੋ ਆਕਸੀਜਨ ਪਾਰਕ ਬਣਾਉਣ ਦਾ ਕੰਮ ਸ਼ੁਰੂ ਹੋ ਗਿਆ ਹੈ। ਅੱਜ ਵਿਸ਼ਵ ਵਾਤਾਵਰਣ ਦਿਵਸ ਹੈ। ਇਸ ਸਾਲ 15 ਲੱਖ ਰੁੱਖ ਲਗਾਉਣੇ ਹਨ। ਅਸੀਂ ਪੌਦੇ ਮੁਹੱਈਆ ਕਰਵਾਵਾਂਗੇ ਅਤੇ ਸਥਾਨ ਵੀ ਦੱਸਾਂਗੇ। ਪਰ ਦਿੱਲੀ ਦਾ ਹਰ ਨਾਗਰਿਕ ਪੌਦੇ ਲਗਾਏਗਾ... ਇਸ ਸਾਲ, ਅਸੀਂ ਪ੍ਰਦੂਸ਼ਣ ਨਾਲ ਸੰਬੰਧਿਤ ਸਾਰੇ ਮਾਮਲਿਆਂ ਨੂੰ ਲੈ ਕੇ ਪਹਿਲਾਂ ਹੀ ਕੰਮ ਕਰਾਂਗੇ। ਮੈਂ ਤੁਹਾਨੂੰ ਖੁਦ ਸੂਚਿਤ ਕਰਾਂਗੀ। ਅਸੀਂ ਦਿੱਲੀ ਦੀਆਂ ਸਾਰੀਆਂ ਸੜਕਾਂ ਦੀ ਕੰਧ-ਤੋਂ-ਦੀਵਾਰ ਕਾਰਪੇਟਿੰਗ ਦੀ ਯੋਜਨਾ ਪਹਿਲਾਂ ਹੀ ਬਣਾ ਲਈ ਹੈ। ਇਸ ਨਾਲ ਸੜਕਾਂ ਤੋਂ ਧੂੜ ਹਟਾਉਣ ਵਿਚ ਮਦਦ ਮਿਲੇਗੀ..."।