ਫਰਾਂਸ ਨੇ ਸੇਨੇਗਲ ਨੂੰ 3-1 ਨਾਲ ਹਰਾਇਆ

 ਨਿਊਯਾਰਕ, 16 ਜੂਨ (ਪੀ.ਟੀ.ਆਈ.)-2026 ਫੀਫਾ ਵਿਸ਼ਵ ਕੱਪ ਦੇ 17ਵੇਂ ਮੈਚ ‘ਚ ਮੌਜੂਦਾ ਉਪ ਜੇਤੂ ਫਰਾਂਸ ਨੇ ਸੇਨੇਗਲ ਨੂੰ 3-1 ਨਾਲ ਹਰਾਇਆ। ਫਰਾਂਸ ਨੇ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਗਰੁੱਪ ‘ਆਈ’ ‘ਚ ਕੀਤੀ। ਇਸ ਰੋਮਾਂਚਕ ਮੈਚ ਦੌਰਾਨ ਕੋਈ ਵੀ ਟੀਮ ਪਹਿਲੇ ਅੱਧ ‘ਚ ਗੋਲ ਕਰਨ ‘ਚ ਕਾਮਯਾਬ ਨਹੀਂ ਹੋਈ। 7ਵੇਂ ਮਿੰਟ ‘ਚ ਇਸਮਾਈਲਾ ਨੇ ਸੇਨੇਗਲ ਲਈ ਗੋਲ ਕਰਨ ਦੀ ਕੋਸ਼ਿਸ਼ ਕੀਤੀ ਤੇ ਉਹ ਫਰਾਂਸੀਸੀ ਗੋਲਪੋਸਟ ਦੇ ਨੇੜੇ ਪਹੁੰਚ ਗਿਆ ਪਰ ਅਸਫਲ ਰਿਹਾ। ਹਾਲਾਂਕਿ, ਸੇਨੇਗਲ ਟੀਮ ਫਰਾਂਸ ‘ਤੇ ਦਬਾਅ ਬਣਾਉਣ ‘ਚ ਸਫਲ ਰਹੀ ਹੈ। ਇਸ ਤੋਂ ਬਾਅਦ, ਫਰਾਂਸ ਨੇ ਹਮਲਾਵਰ ਰੁਖ ਅਪਣਾਇਆ।ਸਮਾਨ ਡੇਂਬੇਲੇ ਨੇ 19ਵੇਂ ਮਿੰਟ ‘ਚ ਗੋਲ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਉਸਦੀ ਕੋਸ਼ਿਸ਼ ਵੀ ਨਾਕਾਮ ਰਹੀ। ਬਾਅਦ ‘ਚ, 25ਵੇਂ ਮਿੰਟ ‘ਚ, ਨਿਕੋਲਸ ਜੈਕਸਨ ਨੇ ਸੇਨੇਗਲ ਨੂੰ ਲੀਡ ਦਿਵਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਅਜਿਹਾ ਨਾ ਹੋਇਆ। ਜੈਕਸਨ ਗੋਲ ਕਰਨ ਦੇ ਬਹੁਤ ਨੇੜੇ ਆ ਗਿਆ, ਪਰ ਗੇਂਦ ਗੋਲਪੋਸਟ ਤੋਂ ਬਾਹਰ ਚਲੀ ਗਈ। ਮੈਚ ਦੇ 26ਵੇਂ ਮਿੰਟ ਟੀਮਾਂ 0-0 ‘ਤੇ ਡੈੱਡਲਾਕ ਰਹੀਆਂ। ਅੰਤ ‘ਚ, ਕੋਈ ਵੀ ਟੀਮ ਪਹਿਲੇ ਅੱਧ ‘ਚ ਗੋਲ ਕਰਨ ‘ਚ ਕਾਮਯਾਬ ਨਹੀਂ ਹੋਈ, ਹਾਲਾਂਕਿ ਸੇਨੇਗਲ ਪ੍ਰਭਾਵਸ਼ਾਲੀ ਢੰਗ ਨਾਲ ਖੇਡਿਆ ਤੇ ਕਈ ਗੋਲ ਕਰਨ ਦੇ ਮੌਕੇ ਬਣਾਏ। ਦੂਜੇ ਅੱਧ ਦੀ ਸ਼ੁਰੂਆਤ ਤੋਂ ਬਾਅਦ ਫਰਾਂਸ ਨੇ ਤੇਜ਼ੀ ਨਾਲ ਖੇਡਣਾ ਸ਼ੁਰੂ ਕੀਤਾ। ਕਾਇਲੀਅਨ ਐਮਬਾਪੇ ਨੇ ਫੀਫਾ ਵਿਸ਼ਵ ਕੱਪ ਦੌਰਾਨ ਇਕ ਮਹੱਤਵਪੂਰਨ ਮੀਲ ਪੱਥਰ ਪ੍ਰਾਪਤ ਕੀਤਾ। ਐਮਬਾਪੇ ਨੇ 66ਵੇਂ ਮਿੰਟ ‘ਚ ਮਾਈਕਲ ਲੀਸ ਦੇ ਪਾਸ ‘ਤੇ ਇਕ ਸ਼ਾਨਦਾਰ ਗੋਲ ਕੀਤਾ, ਜਿਸ ਨਾਲ ਟੀਮ ਨੂੰ ਲੀਡ ਮਿਲੀ। ਉਸਨੇ ਸੇਨੇਗਲ ਦੇ ਬਚਾਅ ਪੱਖ ਨੂੰ ਤੋੜਿਆ ਤੇ ਗੋਲ ਕੀਤਾ। ਫਰਾਂਸ ਇੱਥੇ ਹੀ ਨਹੀਂ ਰੁਕਿਆ ਤੇ 82ਵੇਂ ਮਿੰਟ ‘ਚ, ਬ੍ਰੈਡਲੀ ਬਾਰਕੋਲਾ ਨੇ ਗੋਲ ਕਰਕੇ ਲੀਡ ਦੁੱਗਣੀ ਕਰ ਦਿੱਤੀ। ਇਸ ਤੋਂ ਬਾਅਦ ਸੇਨੇਗਲ ਨੇ ਵੀ ਕੋਸ਼ਿਸ਼ਾਂ ਨੂੰ ਜਾਰੀ ਰੱਖਿਆ, ਸੇਨੇਗਲ ਦੇ ਇਬਰਾਹਿਮਾ ਮਬਾਏ ਨੇ 8 ਮਿੰਟ ਦੇ ਸਟਾਪੇਜ ਟਾਈਮ ਦੌਰਾਨ ਟੀਮ ਲਈ ਇਕ ਗੋਲ ਕੀਤਾ ਪਰ ਕੁਝ ਸਕਿੰਟਾਂ ਬਾਅਦ ਹੀ ਐਮਬਾਪੇ ਨੇ ਇਕ ਹੋਰ ਗੋਲ ਕਰਕੇ ਫਰਾਂਸ ਨੂੰ 3-1 ਨਾਲ ਅੱਗੇ ਕਰ ਦਿੱਤਾ। ਐਮਬਾਪੇ ਫੀਫਾ ਵਿਸ਼ਵ ਕੱਪ ਵਿਚ ਫਰਾਂਸ ਲਈ ਹੁਣ ਤੱਕ ਸਭ ਤੋਂ ਵੱਧ ਗੋਲ ਕਰਨ ਵਾਲੇ ਖਿਡਾਰੀ ਬਣ ਗਏ ਹਨ।