ਵਿਦਿਆਰਥੀਆਂ ਨਾਲ ਤੇ ਸੰਸਦ ’ਚ ਹੋ ਕੁਝ ਹੋ ਰਿਹੈ, ਉਹ ਗੈਰ ਲੋਕਤੰਤਰੀ- ਪ੍ਰਿਅੰਕਾ ਗਾਂਧੀ

ਨਵੀਂ ਦਿੱਲੀ, 22 ਜੁਲਾਈ- ਕਾਂਗਰਸ ਸੰਸਦ ਮੈਂਬਰ ਪ੍ਰਿਅੰਕਾ ਗਾਂਧੀ ਵਾਡਰਾ ਨੇ ਕਿਹਾ ਕਿ ਸਾਡੇ ਨਾਲ ਜੋ ਹੋਇਆ ਉਹ ਅਪ੍ਰਸੰਗਿਕ ਹੈ। ਤੁਸੀਂ (ਮੀਡੀਆ) ਮੈਨੂੰ ਦੱਸੋ ਕਿ ਵਿਦਿਆਰਥੀਆਂ ਨਾਲ ਜੋ ਹੋਇਆ ਉਹ ਸਹੀ ਹੈ ਜਾਂ ਗਲਤ? ਵਿਦਿਆਰਥੀਆਂ ਦੀਆਂ ਸੱਚੀਆਂ ਮੰਗਾਂ ਹਨ ਅਤੇ ਉਹ ਆਪਣੇ ਹੱਕ ਮੰਗ ਰਹੇ ਹਨ। ਸਿੱਖਿਆ ਬਜਟ 1.4 ਲੱਖ ਕਰੋੜ ਰੁਪਏ ਦਾ ਹੈ, ਪਰ ਤੁਸੀਂ ਅਡਾਨੀ ਅਤੇ ਅੰਬਾਨੀ ਲਈ 16 ਲੱਖ ਕਰੋੜ ਰੁਪਏ ਦੇ ਕਰਜ਼ੇ ਮੁਆਫ਼ ਕਰ ਰਹੇ ਹੋ। ਵਿਦਿਆਰਥੀਆਂ ਦਾ ਸੱਚਾ ਸੰਘਰਸ਼ ਹੈ ਅਤੇ ਉਹ ਬਦਲਾਅ ਦੀ ਮੰਗ ਕਰ ਰਹੇ ਹਨ। ਪੇਪਰ ਲੀਕ ਵਾਰ-ਵਾਰ ਹੋ ਰਹੇ ਹਨ... ਸ਼ਾਂਤੀਪੂਰਨ ਵਿਰੋਧ ਪ੍ਰਦਰਸ਼ਨ ਨਾਲ ਕੁਝ ਵੀ ਗੈਰ-ਲੋਕਤੰਤਰੀ ਨਹੀਂ ਹੈ, ਪਰ ਵਿਦਿਆਰਥੀਆਂ ਅਤੇ ਸੰਸਦ ਵਿਚ ਜੋ ਹੋ ਰਿਹਾ ਹੈ, ਉਹ ਗੈਰ-ਲੋਕਤੰਤਰੀ ਹੈ।