ਵਿੰਬਲਡਨ 2025: ਮਹਿਲਾ ਸਿੰਗਲਜ਼ ਫਾਈਨਲ ਵਿਚ ਪੋਲੈਂਡ ਦੀ ਇਗਾ ਸਵਿਏਟੇਕ ਨੇ ਅਮਾਂਡਾ ਨੂੰ ਹਰਾ ਕੇ ਰਚਿਆ ਇਤਿਹਾਸ

 ਲੰਡਨ, 12 ਜੁਲਾਈ - ਪੋਲੈਂਡ ਦੀ ਇਗਾ ਸਵਿਏਟੇਕ ਨੇ ਵਿੰਬਲਡਨ 2025 ਮਹਿਲਾ ਸਿੰਗਲਜ਼ ਖਿਤਾਬ ਜਿੱਤ ਕੇ ਇਤਿਹਾਸ ਰਚਿਆ ਹੈ। ਅੱਠਵੀਂ ਸੀਡ ਸਵਿਏਟੇਕ ਨੇ ਸੈਂਟਰ ਕੋਰਟ 'ਤੇ ਖੇਡੇ ਗਏ ਫਾਈਨਲ ਵਿਚ ਅਮਰੀਕਾ ਦੀ ਅਮਾਂਡਾ ਅਨੀਸਿਮੋਵਾ ਨੂੰ ਸਿੱਧੇ ਸੈੱਟਾਂ ਵਿੱਚ 6-0, 6-0 ਨਾਲ ਹਰਾ ਕੇ ਆਪਣਾ ਪਹਿਲਾ ਵਿੰਬਲਡਨ ਖਿਤਾਬ ਅਤੇ ਕੁੱਲ ਮਿਲਾ ਕੇ ਛੇਵਾਂ ਗ੍ਰੈਂਡ ਸਲੈਮ ਖਿਤਾਬ ਜਿੱਤਿਆ। ਇਹ ਜਿੱਤ ਘਾਹ ਦੇ ਕੋਰਟ 'ਤੇ ਉਸਦੀ ਵਧਦੀ ਮੁਹਾਰਤ ਦਾ ਪ੍ਰਮਾਣ ਹੈ।
24 ਸਾਲਾ ਸਵੈਟੇਕ ਨੇ ਫਾਈਨਲ ਵਿਚ ਇਕਪਾਸੜ ਪ੍ਰਦਰਸ਼ਨ ਕੀਤਾ ਅਤੇ ਸਿਰਫ਼ 57 ਮਿੰਟਾਂ ਵਿੱਚ ਅਨੀਸਿਮੋਵਾ ਨੂੰ ਹਰਾਇਆ। ਇਹ 1911 ਤੋਂ ਬਾਅਦ ਵਿੰਬਲਡਨ ਮਹਿਲਾ ਸਿੰਗਲਜ਼ ਫਾਈਨਲ ਵਿਚ ਪਹਿਲੀ 6-0, 6-0 ਦੀ ਜਿੱਤ ਹੈ, ਜੋ ਟੂਰਨਾਮੈਂਟ ਦੇ ਇਤਿਹਾਸ ਵਿਚ ਸਭ ਤੋਂ ਵੱਧ ਇੱਕਪਾਸੜ ਖਿਤਾਬ ਮੈਚਾਂ ਵਿਚੋਂ ਇੱਕ ਬਣ ਗਈ ਹੈ। ਸਵਿਏਟੇਕ ਨੇ ਪੂਰੇ ਟੂਰਨਾਮੈਂਟ ਵਿਚ ਸਿਰਫ਼ ਇਕ ਸੈੱਟ ਹਾਰਿਆ, ਜੋ ਉਸਦੇ ਦਬਦਬੇ ਵਾਲੇ ਰੂਪ ਨੂੰ ਦਰਸਾਉਂਦਾ ਹੈ।