ਭਾਰਤ ਬਨਾਮ ਇੰਗਲੈਂਡ- ਤੀਜਾ ਟੈਸਟ - ਦਿਨ 4 : ਭਾਰਤ ਨੂੰ ਲਾਰਡਜ਼ ਟੈਸਟ ਜਿੱਤਣ ਲਈ 135 ਦੌੜਾਂ ਦੀ ਲੋੜ
ਲੰਡਨ, 13 ਜੁਲਾਈ (ਏਜੰਸੀ)-ਭਾਰਤ ਤੇ ਇੰਗਲੈਂਡ ਵਿਚਕਾਰ ਚੱਲ ਰਹੇ ਐਂਡਰਸਨ-ਤੇਂਦੁਲਕਰ ਟਰਾਫੀ 2024-25 ਦੇ ਲਈ ਤੀਜੇ ਟੈਸਟ ਮੈਚ ਦੀ ਚੌਥੇ ਦਿਨ ਦੀ ਖੇਡ ਸਮਾਪਤ ਹੋ ਗਈ ਹੈ | ਅੱਜ ਵਾਸ਼ਿੰਗਟਨ ਸੁੰਦਰ ਦੀ ਘਾਤਕ ਗੇਂਦਬਾਜ਼ੀ ਦੀ ਬਦੌਲਤ ਭਾਰਤ ਨੇ ਦੂਜੀ ਪਾਰੀ 'ਚ ਇੰਗਲੈਂਡ ਨੂੰ 192 ਦੌੜਾਂ 'ਤੇ ਸੀਮਿਤ ਕਰ ਦਿੱਤਾ | ਅੱਜ ਦੀ ਖੇਡ ਦੀ ਸਮਾਪਤੀ 'ਤੇ ਭਾਰਤ ਨੇ 4 ਵਿਕਟਾਂ ਦੇ ਨੁਕਸਾਨ 'ਤੇ 58 ਦੌੜਾਂ ਬਣਾਇਆਂ | ਭਾਰਤ ਜਿੱਤ ਤੋਂ ਸਿਰਫ਼ 135 ਦੌੜਾਂ ਦੂਰ ਹੈ | ਬੀਤੇ ਦਿਨ ਦੋਵਾਂ ਟੀਮਾਂ ਦੀ ਪਹਿਲੀ ਪਾਰੀ 387-387 ਦੌੜਾਂ ਦੀ ਬਰਾਬਰੀ 'ਤੇ ਖਤਮ ਹੋਈ ਸੀ | ਚੌਥੇ ਦਿਨ ਇੰਗਲੈਂਡ ਦਾ ਖੇਡ 2/0 ਦੇ ਸਕੋਰ ਨਾਲ ਸ਼ੁਰੂ ਹੋਇਆ | ਜੈਕ ਕਰੌਲੀ ਤੇ ਬੇਨ ਡਕੇਟ ਕ੍ਰੀਜ਼ 'ਤੇ ਮੌਜੂਦ ਸਨ | ਪਹਿਲੇ ਸੈਸ਼ਨ 'ਚ ਮੁਹੰਮਦ ਸਿਰਾਜ ਨੇ ਬੇਨ ਡਕੇਟ ਤੇ ਓਲੀ ਪੋਪ ਨੂੰ ਪੈਵੇਲੀਅਨ ਦਾ ਰਸਤਾ ਦਿਖਾਇਆ | ਡਕੇਟ 12 ਤੇ ਪੋਪ 4 ਦੌੜਾਂ ਬਣਾ ਸਕੇ | ਇਸ ਤੋਂ ਬਾਅਦ ਨਿਤਿਸ਼ ਕੁਮਾਰ ਰੈਡੀ ਨੇ ਜੈਕ ਕਰੌਲੀ ਨੂੰ ਯਸ਼ਸਵੀ ਜੈਸਵਾਲ ਹੱਥੋਂ ਕੈਚ ਕਰਵਾਇਆ | ਆਕਾਸ਼ ਦੀਪ ਨੇ ਇਸ ਸੈਸ਼ਨ 'ਚ ਬਰੂਕ ਨੂੰ ਆਉਟ ਕਰ ਇੰਗਲੈਂਡ ਨੂੰ ਚੌਥਾ ਝਟਕਾ ਦਿੱਤਾ | ਦੂਜੇ ਸੈਸ਼ਨ 'ਚ ਭਾਰਤੀ ਗੇਂਦਬਾਜ਼ਾਂ ਨੇ ਦਬਦਬਾ ਬਣਾਇਆ ਤੇ ਵਾਸ਼ਿੰਗਟਨ ਸੁੰਦਰ ਨੇ ਇੰਗਲੈਂਡ ਨੂੰ 2 ਵੱਡੇ ਝਟਕੇ ਦਿੱਤੇ | ਉਸਨੇ ਜੋੋ ਰੂਟ ਤੇ ਜੈਮੀ ਸਮਿਥ ਨੂੰ ਆਪਣਾ ਸ਼ਿਕਾਰ ਬਣਾਇਆ | ਸੁੰਦਰ ਨੇ ਤੀਜੇ ਸੈਸ਼ਨ 'ਚ ਵੀ ਆਪਣਾ ਜਾਦੂ ਦਿਖਾਇਆ ਤੇ ਬੇਨ ਸਟੋਕਸ ਤੇ ਸ਼ੋਏਬ ਬਸ਼ੀਰ ਨੂੰ ਬੋਲਡ ਕੀਤਾ | ਇਸ ਦੇ ਨਾਲ ਹੀ ਬੁਮਰਾਹ ਨੇ ਕਿ੍ਸ ਵੋਕਸ ਅਤੇ ਬ੍ਰਾਇਡਨ ਕਾਰਸੇ ਨੂੰ ਪੈਵੇਲੀਅਨ ਦਾ ਰਸਤਾ ਦਿਖਾਇਆ | ਅੰਤ 'ਚ, ਜੋਫਰਾ ਆਰਚਰ 5 ਦੌੜਾਂ ਬਣਾ ਕੇ ਅਜੇਤੂ ਰਿਹਾ | ਇਸ ਤਰ੍ਹਾਂ ਸੁੰਦਰ ਵਲੋਂ ਹਾਸਿਲ ਕੀਤੀਆਂ ਗਈਆਂ 4 ਵਿਕਟਾਂ, ਬੁਮਰਾਹ ਤੇ ਸਿਰਾਜ ਦੀਆਂ 2-2 ਵਿਕਟਾਂ ਅਤੇ ਨਿਤਿਸ ਰੈਡੀ ਤੇ ਆਕਾਸ਼ ਦੀਪ ਵਲੋਂ ਹਾਸਿਲ ਕੀਤੀ ਗਈ ਇਕ-ਇਕ ਵਿਕਟ ਨੇ ਇੰਗਲੈਂਡ ਨੂੰ 192 ਢੇਹ-ਢੇਰੀ ਕਰ ਦਿੱਤਾ | ਇਸ ਮਗਰੋਂ 193 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਨ ਭਾਰਤੀ ਬੱਲੇਬਾਜ਼ ਯਸ਼ਸਵੀ ਜੈਸਵਾਲ ਤੇ ਕੇ.ਐਲ. ਰਾਹੁਲ ਪਿੱਚ 'ਤੇ ਪਹੁੰਚੇ | ਹਾਲਾਂਕਿ, ਯਸ਼ਸਵੀ ਜੈਸਵਾਲ ਖਾਤਾ ਖੋਲ੍ਹੇ ਬਿਨਾਂ ਹੀ ਪੈਵੇਲੀਅਨ ਪਰਤ ਗਏ ਹਨ | ਭਾਰਤ ਨੂੰ ਬ੍ਰਾਇਡਨ ਕਾਰਸ ਤੋਂ ਦੂਜਾ ਝਟਕਾ ਲੱਗਾ | ਉਸਨੇ ਕਰੁਣ ਨਾਇਰ ਨੂੰ ਐਲ.ਬੀ.ਡਬਲਯੂ. ਆਊਟ ਕੀਤਾ | ਜਿਸ ਮਗਰੋਂ ਕਪਤਾਨ ਸ਼ੁਭਮਨ ਗਿੱਲ ਰਾਹੁਲ ਦਾ ਸਮਰਥਨ ਕਰਨ ਲਈ ਆਏ | ਪਰ ਉਹ ਵੀ 6 ਦੌੜਾਂ ਬਣਾਉਣ ਮਗਰੋਂ ਬ੍ਰਾਇਡਨ ਕਾਰਸ ਦੇ ਹੱਥੋਂ ਆਪਣੀ ਵਿਕਟ ਗਵਾ ਬੈਠੇ | ਇਸ ਦੌਰਾਨ ਆਕਾਸ਼ ਦੀਪ ਜ਼ਰੂਰ ਰਾਹੁਲ ਦਾ ਸਮਰਥਨ ਕਰਨ ਲਈ ਆਏ ਹਨ ਪਰ ਉਹ ਵੀ 1 ਦੌੜ ਬਣਾ ਕੇ ਆਉਟ ਹੋ ਗਏ | ਅੱਜ ਦਿਨ ਦੀ ਸਮਾਪਤੀ ਹੋਣ ਤੱਕ ਕੇ.ਐਲ. ਰਾਹੁਲ ਨਾਬਾਦ 33 ਦੌੜਾਂ 'ਤੇ ਰਹੇ | ਹੁਣ ਮੈਚ ਦੇ ਅੰਤਿਮ ਦਿਨ ਭਾਰਤ ਨੂੰ ਮੈਚ ਜਿੱਤਣ ਲਈ 90.2 ਓਵਰਾਂ 'ਚ 135 ਦੌੜਾਂ ਦੀ ਲੋੜ ਹੈ |
;
;
;
;
;
;
;
;
;
;
;
;
;
;
;
;
;
;
;
;
;
;
;
;
;
;
;
;
;
;
;
