ਨੀਟ ਪੇਪਰ ਲੀਕ ਮਾਮਲੇ 'ਚ ਪੁਣੇ ਦਾ ਲੈਕਚਰਾਰ ਗਿ੍ਫ਼ਤਾਰ

ਨਵੀਂ ਦਿੱਲੀ, 22 ਮਈ (ਪੀ.ਟੀ.ਆਈ.)-ਸੀ.ਬੀ.ਆਈ. ਨੇ ਪੁਣੇ ਸਥਿਤ ਇਕ ਲੈਕਚਰਾਰ ਨੂੰ ਨੀਟ-ਯੂ. ਜੀ. 2026 ਦੇ ਭੌਤਿਕ ਵਿਗਿਆਨ ਦੇ ਪੇਪਰ ਨੂੰ ਕੁਝ ਚੋਣਵੇਂ ਉਮੀਦਵਾਰਾਂ ਨੂੰ ਲੀਕ ਕਰਨ ਦੇ ਦੋਸ਼ 'ਚ ਗਿ੍ਫ਼ਤਾਰ ਕੀਤਾ ਹੈ | ਸੀ.ਬੀ.ਆਈ. ਨੇ ਮਨੀਸ਼ਾ ਸੰਜੇ ਹਵਾਲਦਾਰ ਨੂੰ ਗਿ੍ਫ਼ਤਾਰ ਕੀਤਾ ਹੈ, ਜੋ ਕਿ ਇਸ ਸਮੇਂ ਪੁਣੇ 'ਚ ਸੇਠ ਹੀਰਾਲਾਲ ਸਰਾਫ ਪ੍ਰਸ਼ਾਲਾ 'ਚ ਕੰਮ ਕਰਦੀ ਹੈ ਤੇ ਉਸਨੂੰ ਪੇਪਰ ਲੀਕ ਲਈ ਇਕ ਹੋਰ ਸਰੋਤ ਕਰਾਰ ਦਿੱਤਾ ਹੈ | ਸੀ.ਬੀ.ਆਈ. ਦੇ ਬੁਲਾਰੇ ਨੇ ਬਿਆਨ 'ਚ ਕਿਹਾ ਕਿ ਸੀ.ਬੀ.ਆਈ. ਨੇ ਇਕ ਹੋਰ ਮੁੱਖ ਦੋਸ਼ੀ ਦੀ ਪਛਾਣ ਕੀਤੀ ਹੈ ਜੋ ਨੀਟ-ਯੂ. ਜੀ. 2026 ਫਿਜ਼ਿਕਸ (ਭÏਤਿਕ ਵਿਗਿਆਨ) ਦੇ ਪ੍ਰਸ਼ਨਾਂ ਦੇ ਲੀਕ ਹੋਣ ਦਾ ਸਰੋਤ ਸੀ | ਏਜੰਸੀ ਨੇ ਦੋਸ਼ ਲਗਾਇਆ ਕਿ ਹਵਾਲਦਾਰ ਨੀਟ-ਯੂ ਜੀ ਪ੍ਰਕਿਰਿਆ 'ਚ ਤਦ ਸ਼ਾਮਲ ਹੋਈ ਜਦੋਂ ਨੈਸ਼ਨਲ ਟੈਸਟਿੰਗ ਏਜੰਸੀ ਦੁਆਰਾ ਇਕ ਮਾਹਰ ਵਜੋਂ ਨਿਯੁਕਤ ਕੀਤਾ ਗਿਆ ਸੀ | ਬਿਆਨ 'ਚ ਕਿਹਾ ਗਿਆ ਹੈ ਕਿ ਉਸਦੀ ਭÏਤਿਕ ਵਿਗਿਆਨ ਦੇ ਪ੍ਰਸ਼ਨ ਪੱਤਰ ਤੱਕ ਪੂਰੀ ਪਹੁੰਚ ਸੀ | ਅਪ੍ਰੈਲ 'ਚ ਉਸਨੇ ਸਹਿ-ਮੁਲਜ਼ਮ ਮਨੀਸ਼ਾ ਮੰਢਾਰੇ ਨਾਲ ਕੁਝ ਪ੍ਰਸ਼ਨ ਸਾਂਝੇ ਕੀਤੇ ਸਨ | ਸੀ.ਬੀ.ਆਈ. ਨੇ 16 ਮਈ ਨੂੰ ਨੀਟ ਪੇਪਰ ਲੀਕ ਦੇ ਸੰਬੰਧ 'ਚ ਪੁਣੇ ਦੇ ਬਨਸਪਤੀ ਵਿਗਿਆਨ ਅਧਿਆਪਕ ਮੰਢਾਰੇ ਨੂੰ ਗਿ੍ਫ਼ਤਾਰ ਕੀਤਾ ਸੀ |