ਭਾਜਪਾ ਦੇ ਸ਼ਾਸਨ ਵਿਚ ਮਨੀਪੁਰ ਵਿਚ ਬਣੀ ਘਰੇਲੂ ਜੰਗ ਵਾਲੀ ਸਥਿਤੀ- ਸੌਰਭ ਭਾਰਦਵਾਜ

ਨਵੀਂ ਦਿੱਲੀ, 29 ਸਤੰਬਰ- ਅਕਾਲੀ ਦਲ ਦੇ ਆਗੂ ਸੁਰਜੀਤ ਸਿੰਘ ਦੀ ਦੋ ਹਮਲਾਵਰਾਂ ਵਲੋਂ ਗੋਲੀ ਮਾਰ ਕੇ ਹੱਤਿਆ ਕੀਤੇ ਜਾਣ ’ਤੇ ਦਿੱਲੀ ਦੇ ਮੰਤਰੀ ਅਤੇ ‘ਆਪ’ ਆਗੂ ਸੌਰਭ ਭਾਰਦਵਾਜ ਨੇ ਕਿਹਾ ਕਿ ਇਸ ਹੱਤਿਆ ਸੰਬੰਧੀ ਸਵਾਲ ਕੌਣ ਚੁੱਕ ਰਿਹਾ ਹੈ? ਭਾਜਪਾ, ਜਿਸ ਦੇ ਸ਼ਾਸਨ ’ਚ ਮਨੀਪੁਰ ’ਚ ਘਰੇਲੂ ਜੰਗ ਵਰਗੀ ਸਥਿਤੀ ਬਣੀ ਹੋਈ ਹੈ ਅਤੇ ਜਿੱਥੇ 200 ਤੋਂ ਵੱਧ ਲੋਕ ਮਾਰੇ ਗਏ ਹਨ ਤੇ 10,000 ਤੋਂ ਵੱਧ ਘਰਾਂ ਨੂੰ ਅੱਗ ਲਗਾ ਦਿੱਤੀ ਗਈ ਸੀ। ਮੈਂ ਇਸ ਗੱਲ ਤੋਂ ਹੈਰਾਨ ਹਾਂ।