ਅੱਜ ਕਾਂਗਰਸ ਪਾਰਟੀ ਬਣ ਗਈ ਹੈ ਪਰਿਵਾਰਕ ਮਾਮਲਾ- ਰਵਨੀਤ ਸਿੰਘ ਬਿੱਟੂ

ਨਵੀਂ ਦਿੱਲੀ, 5 ਫਰਵਰੀ - ਲੋਕ ਸਭਾ ਵਿਚ ਵਿਰੋਧੀ ਧਿਰ ਦੇ ਨੇਤਾ ਰਾਹੁਲ ਗਾਂਧੀ ਦੇ ਬਿਆਨ 'ਤੇ ਕੇਂਦਰੀ ਮੰਤਰੀ ਰਵਨੀਤ ਸਿੰਘ ਬਿੱਟੂ ਨੇ ਅੱਜ ਕਿਹਾ ਕਿ ਜਦੋਂ ਅਸੀਂ ਕਾਂਗਰਸ ਵਿਚ ਸੀ, ਅਸੀਂ ਪਾਰਟੀ ਲਈ ਸੀਟਾਂ ਜਿੱਤ ਰਹੇ ਸੀ ਉਦੋਂ ਅਸੀਂ ਕਦੇ ਵੀ ਉਨ੍ਹਾਂ 'ਤੇ ਬੋਝ ਨਹੀਂ ਰਹੇ। ਫਿਰ, ਜਦੋਂ ਇਹ ਸਪੱਸ਼ਟ ਹੋ ਗਿਆ ਕਿ ਪਾਰਟੀ ਇਕ ਪਰਿਵਾਰਕ ਮਾਮਲਾ ਬਣ ਗਈ ਹੈ ਅਤੇ ਹੁਣ ਉਹ ਕਾਂਗਰਸ ਪਾਰਟੀ ਨਹੀਂ ਰਹੀ ਜੋ ਪਹਿਲਾਂ ਸੀ, ਤਾਂ ਹਰ ਕੋਈ ਜਾਣ ਲੱਗ ਪਿਆ। ਜੇ ਇਹ ਅਸਲ ਕਾਂਗਰਸ ਹੀ ਰਹਿੰਦੀ, ਤਾਂ ਲੋਕ ਰਹਿੰਦੇ। ਉਨ੍ਹਾਂ ਕਿਹਾ ਕਿ ਮੈਂ ਕਿਹਾ ਕਿ ਜੇ ਇਹ ਅਸਲ ਕਾਂਗਰਸ ਹੁੰਦੀ, ਤਾਂ ਰਾਹੁਲ ਗਾਂਧੀ ਅਤੇ ਪ੍ਰਿਯੰਕਾ ਗਾਂਧੀ ਖੁਦ ਮੇਜ਼ਾਂ 'ਤੇ ਚੜ੍ਹ ਜਾਂਦੇ ਅਤੇ ਪਹਿਲਾਂ ਮੁਅੱਤਲ ਹੋ ਜਾਂਦੇ।