ਮੋਦੀ ਤੇ ਸ਼ਾਹ ਦੇਸ਼ ਦੇ ਗ਼ਦਾਰ-ਰਾਹੁਲ

ਰਾਏਬਰੇਲੀ (ਯੂ.ਪੀ.), 20 ਮਈ (ਏਜੰਸੀ)-ਕਾਂਗਰਸ ਨੇਤਾ ਰਾਹੁਲ ਗਾਂਧੀ ਨੇ ਬੁੱਧਵਾਰ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ, ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਅਤੇ ਆਰ.ਐਸ.ਐਸ. ਨੂੰ ਗ਼ਦਾਰ ਕਿਹਾ, ਜੋ ਹਰ ਰੋਜ਼ ਸੰਵਿਧਾਨ 'ਤੇ ਹਮਲਾ ਕਰ ਰਹੇ ਹਨ ਤੇ ਦੇਸ਼ ਦੇ ਹਿੱਤਾਂ ਨੂੰ ਚੋਣਵੇਂ ਉਦਯੋਗਪਤੀਆਂ ਨੂੰ ਵੇਚ ਰਹੇ ਹਨ | ਰਾਏਬਰੇਲੀ ਦੇ ਸੰਸਦ ਮੈਂਬਰ ਦੇ ਇਹ ਸਖ਼ਤ ਦੋਸ਼ ਉਨ੍ਹਾਂ ਦੇ ਹਲਕੇ ਦੇ ਦÏਰੇ ਦੇ ਦੂਜੇ ਦਿਨ ਆਏ | ਭਾਜਪਾ ਨੇ ਉਨ੍ਹਾਂ ਦੀਆਂ ਟਿੱਪਣੀਆਂ ਦੀ ਆਲੋਚਨਾ ਕਰਦੇ ਹੋਏ ਇਨ੍ਹਾਂ ਨੂੰ ਉਨ੍ਹਾਂ ਦੀ ਅਰਾਜਕ ਮਾਨਸਿਕਤਾ ਅਤੇ ਚਰਿੱਤਰ ਦੇ ਪ੍ਰਤੀਬਿੰਬ ਦੱਸਿਆ | ਰਾਹੁਲ ਗਾਂਧੀ ਰਾਏਬਰੇਲੀ 'ਚ ਸਥਾਨਕ ਕ੍ਰਾਂਤੀਕਾਰੀ ਵੀਰਾ ਪਾਸੀ ਦੀ ਯਾਦ 'ਚ 'ਬਹੁਜਨ ਸਵਾਭਿਮਾਨ ਸਭਾ' ਨੂੰ ਸੰਬੋਧਨ ਕਰ ਰਹੇ ਸਨ | ਉਨ੍ਹਾਂ ਰੈਲੀ 'ਚ ਕਿਹਾ ਕਿ ਤੁਹਾਨੂੰ ਖੜ੍ਹੇ ਹੋਣਾ ਪਏਗਾ, ਲੜਨਾ ਪਵੇਗਾ | ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੇ ਸਾਡੇ ਦੇਸ਼ ਨੂੰ ਵੇਚਣ ਲਈ ਕੰਮ ਕੀਤਾ ਹੈ ਅਤੇ ਸਾਡੇ ਸੰਵਿਧਾਨ, ਅੰਬੇਡਕਰ ਜੀ ਅਤੇ ਮਹਾਤਮਾ ਗਾਂਧੀ 'ਤੇ ਹਮਲਾ ਕੀਤਾ ਹੈ | ਰੈਲੀ 'ਚ ਗਾਂਧੀ ਨੇ ਪ੍ਰਧਾਨ ਮੰਤਰੀ 'ਤੇ ਮਨਰੇਗਾ ਨੂੰ ਕਮਜ਼ੋਰ ਕਰਕੇ, ਜਾਤੀ ਜਨਗਣਨਾ ਨਾ ਕਰਵਾ ਕੇ ਅਤੇ ਚੋਣਵੇਂ ਉਦਯੋਗਪਤੀਆਂ ਦਾ ਪੱਖ ਲੈ ਕੇ ਸੰਵਿਧਾਨ 'ਤੇ 24 ਘੰਟੇ ਹਮਲਾ ਕਰਨ ਦਾ ਦੋਸ਼ ਲਗਾਇਆ | ਉਨ੍ਹਾਂ ਮੋਦੀ ਦੀ ਬਾਲਣ ਦੀ ਖਪਤ, ਸੋਨੇ ਦੀ ਖਰੀਦਦਾਰੀ ਅਤੇ ਵਿਦੇਸ਼ ਯਾਤਰਾ 'ਚ ਕਟÏਤੀ ਦੀ ਅਪੀਲ ਦਾ ਹਵਾਲਾ ਦਿੰਦੇ ਹੋਏ ਸਾਡੇ ਰਾਹ 'ਤੇ ਆਉਣ ਵਾਲੇ ਆਰਥਿਕ ਤੂਫਾਨ ਦੀ ਚਿਤਾਵਨੀ ਦਿੱਤੀ |